شراء سيارة بطريقة إسلامية

السلام عليكم و رحمة الله و بركاتة ......

هل يستطيع أحدكم أن يدلني على شخص أو معرض يمكن أن أشتري منة سيارة بالتقسيط المباشر بدون الدخول في موضوع البنوك؟؟؟؟؟؟؟
بصراحة أريد أن أشتري سيارة إلنترا 2007 اللي بـ 110.000 جنية
المقدم اللي ممكن أدفعة هو 50 ألف جنية و عايز أقسط الباقي على سنة و نص بس

يا ريت يا جماعة حد يساعدني في الموضوع دة و جزاكم الله خيرا !!!!!!!
ممكن تاخد رأيي
بصراحه تقريبا كله بيتعامل مع بنوك
رأيي انك تحوش تمن العربيه و بعد كده تجبها كلها كاش
يعني عايش عمرك كام سنه من غير عربيه كويسه مجتش على حتى يا سيدي لو سنتين كمان
و تبقى كده بعيد عن الشبهات
جميع توكيلات دايهاتسو بتقسط جميع انواع السيارات بفائده 10% والدايهاتسو ب 8% بس اولهم من اولها انا مش هأمن (علشان التامين التجارى حرام)
لأ مش تبع بنك, هما عندهم قطاع تمويل خاص يهم بس لازم تجيب ضامن معاك

بالنسبة للتامين, انا سألت فى دار الافتاء اذا كان بيت التأمين المصرى السعودى حلال, لأنهم الوحيد الى بيعمل تأمين تكافلى قالوا لى حلال

هما عندهم تأمين العربيات بيبدأ من 2.75% و الـامين الشامل (مبتدفعش حاجة خالص لا اهلاك و لا غيره) 3.5%


ممكن يكون تبع عبد اللطيف جميل نفسه
هو لوحده بنك
و عندي فكره احسن
متحاول تنقي 128 نضيفه نص عمر
و تقضي بيهم السنتين لحد ما يبقى معاك المبلغ
و اهو ال128 عمرك ما هتخسر فيها و لو خسرت حتى مش هيبقى كتير