منتجات نايل موتورز بخدمة الدفع عند الاستلام

سلام عليكم
بناء على طلب الكثير منكم ان نايل يكون له منتجاته الخاصة بيه
وعشان بفضل الله بقينا اكبر منتدى سيارات مصري وتقريبا الاول في العالم العربي (في التخصص وليس الكثرة)
طالبني العديد منكم بمنتجات لنايل موتورز
وعشان نايل موتورز بيضم العديد من الطبقات كان لازم نرضي كل الاذواق
تم بحمد الله الانتهاء من طباعة مجات حرارية للسيارة بثلاثة اشكال وثلاثة انواع تناسب جميع الفئات
وعليها لوجو نايل موتورز من الخارج مطبوع بشكل انيق
المج يناسبك سواء في السيارة او البيت او العمل لانه مغلق باحكام وله فتحة بسيطة للشرب وطبعا حراري للاحتفاظ بحرارة السوائل داخلة ولا يتفاعل معها
ثانيا كاب ود ان شاء الله تطريز وتم الانتهاء من العينة وهاتكون معايا بكرة في المقابلة لكن الباقي هايخلص خلال يومين ان شاء الله
ثالثا التيشرتات ودي هاتكون بالطلب عشان المقاسات وهاتكون بولو بياقة وزرارين
لكن يوجد حاليا تيشرتات امريكان استايل مقاسين فقط لارج واكس لارج وعدد محدود جدا(20) قطعة بلون اسود ولن يتم تطريز مثلهم مرة اخرى لانهم صدفة واشتريتهم زي ماهما
ان شاء الله الصور هاتبان مع صور المقابلة او بعد غد لما انزل صورهم هنا ان شاء الله
وان شاء الله جاري تجهيز نظام ادفع واشحن
اللي من خلاله تقدر تدفع الفلوس مقدما ويتم شحن المنتج اليك في اي مكان داخل الجهورية بواسطة البريد المصري او شركات شحن اخرى جاري دراسة افضل العروض
مع نايل موتورز
مش هاتقدر تفرررررمل عينيك :-)

صور المنتجات:
ده لون الكاب البيج وده اللي موجود منه عدد كويس حاليا حوالي 30 وبيليق على اي لون لبس
ثمن الكاب 20 جنيه فقط وده تطريز وليس طباعة والتطريز اغلى بكتير طبعا لانه بيتحاسب بالغرزة

التيشرت وده امريكان استايل وثمنه 35 جنية ولما يخلص مفيش منه تاني اللي بعده هايكون بولو ولسه ماتحددش تمنه

المجات
نموذج 1 بلاستيك حراري لا يتفاعل مع الاطعمة برة وجوة ب 15 جنية
نموذج 2 بلاستيك حراري جوة واستانليس برة وده ب 25 جنيه
نموذج 3 استانليس برة وجوة وده تمنه 35 جنية

نظام الشحن هنا
[ندعوك للتسجيل في المنتدى أو التعريف بنفسك لمعاينة هذا الرابط] (أسعار ونظم شحن منتجات المنتدى على ميدل ايست)

جاري الاستعلام عن خدمة الشحن والرد غدا ان شاء الله


شماسة صغيرة لزجاج السيارة وجدتها عند المستورد اللي بشتري منه الشماسات
حجمها تحفة بتغطي اي زجاج شباك سيارة ولونها ابيض ناصع لعكس الشمس
بها حلقة من المنتصف مثبت بها لاصق زجاج مطاطي
تباع مزدوجة اي كل اثنان بكيس
وحجمها بعد التطبيق حجم كف اليد توضع في اي مكان بسهولة ويسر
ثمن الاثنان 15 جنيه وخامتها فوق الرائعة
لن اقوم بطباعة لوجو المنتدى عليها لان لونه غامق وهافقدها اهم خصائصها وهو اللون الابيض العاكس للشمس
تصلح بشدة عند السفر ووجود اطفال او حتى كبار والشمس مسلطة من جانب واحد
او عند الركن السيارة في الشمس لوقت طويل لتقليل حدة الحرارة داخل السيارة
عددها محدود بشدة ولا اعلم هل سياتي منها ثانية ام لا
الموجود 20 كيس فقط كل كيس يحتوي على 2 شماسة زجاج
يمكن اخذ كيس للزجاج الخلفي فقط او كيسان باربعة شماسات للاربعة ابواب