شباب مجتهد يا ريت نساعدهم في مشرعهم غسيل سيارت

السلام عليكم ورحمه الله
كنت كل مابغسل عربيتي في بنزينة جنب بيتي في جسر السويس
الاقي اتني شباب بيشتغلو هناك
اكتر من مرة اشتغلو في عربيتي وعجبني انهم عندهم ذمة
اتكلمت معاهم وعرفت انهم جامعيين كانو لسه في تانية كلية
بس عذرا مش هاقول في كلية ايه منعا للاحراج
سنة ورا سنة وانا بقيت اروحلهم مخصوص عشان عندهم ذمة بجد
هما دلوقتي فتحوا مغسلة صغيرة على قدهم وهم لسه مخلصين كلية السنة دي
بجد فرحتلهم قوي رغم انها خدت تحويشة عمرهم الصغير
محمد ومحمد بجد احلى نموذج لشباب عايزين يعملو حاجة
هما فتحو بعيد شوية عشان ماعرفوش يلاقو ايجارت اقل من كدة
بس لو انت في منطقة السلام او حواليها في العبور مثلا او جسر السويس او النزهة
او داخل تعمل حاجة في عربيتك في الحرفيين وعايز تغسل عربيتك
روحلهم
هما اسعارهم وهمية
غسيل جوة وبرة وماتور وشاسية ب 15 جنية بس
ولو عجبك الشغل ابقي ادفع اللي انت شايفة اكرامية
علما بان تمن الغسيل جوة وبرة في البنزينة 15 جنية بالكروتة وتدفع كويس اكرامية
هما في مساكن السلام اسكندرية جنب واحد اسمه الونش بعد مستشفي السلام بشوية
يعني اي حد يروح عند الونش يكلم محمد على الموبايل يجي ياخدة عشان مش هاعرف اوصف قوي
بجد تحية مني ليهم على مشروعهم الصغير
صحيح بيلمعو التابلوة ببلاش
وقدام هايعملو كار كير بس لسه مابداوش فيه
ربنا يوفقهم
دي صورة للمحل بس بالليل عشان روحت باركتلهم بالليل



وده موبايل محمد يسري
0120833157